One more attempt

Keh kar ye baat ussne kiya tha hamain la-jawaab //
Nazar aati hai zulmatein jab bhi dekhte hai aaftaab!

(zulmatein- darkness)
(aaftaab-Sun)

Un ki ik tasveer thi dil main //
Us main bhi chehre pe tha naqaab

Dhondhte hum rahe unhe // milnay jab woh aaye the be-hijaab

Dekhli duniya main aakhri rasm-e-waazkhaan // khareedi jaati na thi kabhi dar-e-dargah pe sharaab

Majnoon ne ye humse kaha hai chupke se // hai ye kaisi bebasi? ishq-e-faani ne kiya kharaab

(ishq-e-faani : love of mortals)

Teri kooche main har dam meri aamad par // jo hua karte the chashmain, deikhne lagte the saraab

(aamad: arrival)
(Chashmain: springs)

tum ne maana hai gunaah muhabbat karna butoon se // Ab jo mil rahe ho humse, hai phir kyun ye iztaraab?

(iztaraab- restlessness, excitement)

Jab milenge qaza se, tab wafa tumse karenge // moat se pehle to sabke hotay hain dil kharaab

(qaza- death)

Suna hai farishtoon ne kaha Gowhar se // sawaab tere hai gin rakhe par gunaah tere hai be-hisaab

A Letter From God

Sitam tune kaise khud par insaan kiye ~
Apni mehfil main kis qadr mere shikwe bayaan kiye

[ shikwe: remonstrance]
.
.
Mujhe tujh se thi muhabat bas isi khaatir~
Tere liye Zarr’oon se paida jahaan kiye

[zarr’oon: atoms]
.
.
Hai shab-o-roz tere aamaal mujh tak pauhanchte~ Bayaan woh farishtoon main maine kab aur kahan kiye?
.
.
Tu na loat aaya warna maine teri raah main~ har kadam pe zaahir kitnay nishaan kiye
.
.
Sehra main lagi thi jo kabhi pyaas~ zaer tere paay’e se maine chashmain rawaan kiye

[zaer tere paay’e: under your feet]

[chashmain: Springs]
.
.
Thi woh teri khata ki aaya IBLEES jannat main~
Khud ke maasoom kehne ko, badnaam RIZWAAN kiye

[Rizwaan: Gatekeeper of heaven]
.
.
Teri bahshatoon main hai ye veeraaniyaan tab se~  JASHN-E-AAMAD-E-DAJJAL ke liye tune jab se mukarrar RAMAZAAN kiye

[bahshat: heaven]
.
.
Shab-e-zaroorat main jabeen se lag rahi hai zameen ~ warna apne khuda to tune kayie SHAITAAN kiye

[jabeen:forehead]

.
.
GOWHAR teri manzil hai ab qareeb aarahi ~ paane ke liye usko, paida laayak saamaan kiye?