Gazal

• Hai tere zulm ka shahid wo aasmaan abhi
~~ Yaad hai zameen ko meri daastaan abhi

[shahid : witness]

• Uski ruswaayi ka gham hai sata raha warna
~~ Kaati nahi hai usne meri zubaan abhi

• Aksar duaon main humko kiya karte thay yaad woh
~~ yun bicchadne ka na tha unko, na humko gumaan abhi

• Masjid ko jaate jaate unke kooche se hua guzar
~~ Mullah-o-butt ki yaari hai wahaan abhi

• Us qaatil ka ye kehna mashoor hai waaiz
~~ “kaafir ko ishaaron main kardoon musalmaan abhi”

• Usko ye khauf, ki gumrah hain gareeb
~~ Qasa liye hai darr pe mere, sultaan abhi

[Qasa : Begging bowl]

• Usko hai zidd ki wo phool ho sirf mere chaman ka
~~ Par kaantoon se bhara hai mera gulistaan abhi

Gowhar kehna ussey ki hogi mulaqaat aksar
~~ Chodda hai uska koocha na chodda jahaan abhi

Advertisements

Gazal

• Suna hai shayari ab wo karney laggi hai
~~ Haaye kaisi saza khud ko dainey laggi hai

• Suna hai mahfiloon main wo khamosh rehti hai
~~ aur khamoshiyon main ab chillaney laggi hai

• Suna hai qaza ke qareeb mujhey pukaar baithi
~~ mar mar ke meri yaad main jeenay laggi hai

• Suna hai apne bacchon ko mera naam dekar
~~ Apne bechain dil ko phir sataanay laggi hai

• Suna hai shaam hotay hi wo aksar
~~ Sitaaron ko meri yaad main jagaaney laggi hai

• Suna hai meray dedaar ki khatir sakoon se sojati hai
~~ Aur khwabon main mujhe na paake ab ronay lagi hai

• Suna hai meri shayari jis se usko thi shikayat aksar
~~ Tanhayi main wohi gazlain gungunanay laggi hai

•Suna hai meri dastaan phoolon ko sunati hai
~~ Haan! Haan! ab meri deewani honay laggi hai